परम्परागत बौद्ध धर्म संघ कान्तिपुरया तःमुँज्या जुल

येँ – नेपाल परम्परागत बौद्ध धर्म संघ कान्तिपुर शाखाया गुक्वःगु दँमुँज्या व प्यक्वःगु तःमुँज्या थनया गुणाकर महाविहार, छुस्याबहालय् जुल । संस्थापक अध्यक्ष रेब रत्न वज्राचार्यया सभापतित्वय् जूगु ज्याझ्वःया उलेज्या प्रा.डा नरेशमान वज्राचार्यं क्वाःपाः द्यःयाथाय् मत च्याकाः यानादीगु खः । ज्याझ्वलय् संस्थाया सचिव मञ्जुश्री रत्न वज्राचार्यं वार्षिक प्रतिवेदन व कोषाध्यक्ष सप्तमान वज्राचार्यं आर्थिक प्रतिवेदन न्ह्यब्वयादीगु खः ।संस्थाया उपाध्यक्ष तीर्थरत्न शाक्यं लसकुस यानाः न्ह्याःगु ज्याझ्वलय् केन्द्रीय उपाध्यक्ष माणिकरत्न शाक्य, किपू, ख्वप शाखाया पाहाँपिंसं भिंतुना देछायादीगु खः ।

ज्याझ्वलय् मूपाहाँ प्रा.डा वजाचार्यं स्वदँ कार्यकाल पूवंकादीपिं २८ म्ह निवर्तमान पदाधिकारीपंत सुभाय्पौ नं देछाःगु खः । दँमुँज्या लिपा जूगु निर्वाचनय् रेमरत्न वज्राचार्यया नेतृत्वय् झिंस्वम्ह दुजः दुगु न्हूगु कार्यसमिति नं ल्यःगु खः । न्हूगु ज्यासना पुचलय् सचिव भीमरत्न वज्राचार्य, कोषा–ध्यक्ष दयानन्द शाक्य, सह सचिव धर्मराज वज्राचार्य, सह कोषाध्यक्ष दशरत्न वज्राचार्य च्वनादीगु दुसा दुजलय् रविन्द्रमान जोशी, वसन्तहर्ष वज्राचार्य, सरला वज्राचार्य, उर्मिला ताम्राकार, केशरी शाक्य, कमल शोभा श्रेष्ठाचार्य, सजनरत्न वज्राचार्य व संगीता शाक्य निर्वि–रोध निर्वाचित जुयादीगु खः ।

सम्बन्धित बुखँ

LEAVE YOUR COMMENTS