ओलीया पक्षय् ९३ विपक्षय् १२४ मत

येँ – प्रधानमन्त्री केपी ओली प्रतिनिधि सभापाखें विश्वासया मत कायेत असफल जूगु दु । नकतिन (सोमवाः सनिलया ५ः५०) बजे सभामुख अग्निप्रसाद सापकोटां मतगणनाया लिच्वः न्यंकुसें प्रधानमन्त्री ओलीं विश्वासया मत कायेत असफल जूगु घोषणा यानादीगु खः ।

सोमवाः सनिलय् जूगु मतदानय् प्रधानमन्त्री ओलीया विश्वासया मत कायेगु प्रस्तावया पक्षय् ९३ मत कुतुंवंगु खःसा थुकिया १२४ मत कुहां वःगु खः । मतदानया इलय् संसदय् २३२ म्ह सांसद दुगु खःसा १५ म्ह सांसद तटस्थ च्वंगु खः ।

संसदया बैठक आः वैशाख ३० गते च्वनेगु कथं स्थगित जूगु दु ।

सम्बन्धित बुखँ

LEAVE YOUR COMMENTS