धःया लखं कोरोना संक्रमण जुइमखु

येँ (नेपालभाषा टाइम्स) – सरकारं धःया लखय् कोरोन भाइरसया जीवाणु खनेदयेवं समुदायलय् संक्रमण जूगु धकाः धाये मजिउगु खँ धाःगु दु ।

स्वास्थ्य तथा जनसंख्या मन्त्रालयं म्हिगः ग्वसाः ग्वःगु पत्रकार सम्मेलनय् मन्त्रालयया प्रवक्ता डा. जागेश्वर गौतमं धलय् भाइरस खनेदयेवं समुदायय् संक्रमण जुयाः जटिल अवस्थाय् थ्यन धकाः धाये मजिउगु खँ धयादीगु खः ।

वय्कलं धलय् ज्या याइपिं मनूतय्सं पीपीई, मास्क, लाकां, चश्मा, बुट थेंज्याःगु सुरक्षा सामग्री छ्यलाः ज्या यातधाःसा भाइरस संक्रमण मजुइगु खँ धयादीगु दु ।

थनिं छुं न्हिं न्ह्यः छगू संस्था याःगु अध्ययनय् येँया धलय् कोरोना भाइरसया जीवाणु दुगु पुष्टि जूगु खःसा मन्त्रालयया प्रवक्ता डा. गौतमं धाःसा धःया लखय् कोरोना भाइरस लूसां नं थुकिं कोराना संक्रमण मजुइगु खँ धयादीगु दु ।