स्वनिगलय् मेगु छवाः निषेधाज्ञा थपे यात

येँ – स्वनिगलय् हानं मेगु छवाः निषेधाज्ञा थपे यायेगु निर्णय याःगु दु । म्हिगः येँ, यल व ख्वपया सीडीओतय्गु मंकाः बैठकं थ्व निर्णय याःगु खः ।

आः हानं ई थपे याः कथं स्वनिगलय् मेगु वैशाख २९ गते तक निषेधाज्ञा कायम याइगु जूगु दु । छवाः न्ह्यः तःगु निषेधाज्ञा कथं थौं चान्हय् १२ बजे थ्व निषेधाज्ञा सिधइगु खः । निषेधाज्ञा सिधयेत्यंगुयां छन्हु न्ह्यः हे सीडीओपिनि बैठक च्वनाः छवाः थपे यायेगु निर्णय यानागु खँ येँया सीडीओ कालीप्रसाद पराजुलीं कनादीगु दु ।

आः थपे जूगु न्हूगु निषेधाज्ञाय् खाद्यान्न पसःत नं सुथय् छक्वः जक चायेके दइगु खँ धाःगु दु । आः खाद्यान्न पसः सुथय् ७ निसें ९ बजे तक जक चायेके दइ । थौंकन्हय् सुथय् व सनिलय् यानाः निगू ई पसः चायेके दइगु छुट बियातःगु खः ।

लिसें आवंलि बैंक व वित्तीय संस्थात नं न्हिंन्हिं चायेके मदइगु व्यवस्था याःगु दु । बैंक व वित्तीय संस्थाय् आः फयांफछि म्हो जक कर्मचारीत पालंपाः तयाः सञ्चालन यायेत निर्देशन बिउगु दु ।

अथे हे आः पत्रकार पास क्यनाः सतकय् वये–वने याइपिंत नं कडाई याइगु जूगु दु । उकुन्हु तक सञ्चार संस्थाया पास क्यनाः वंसां जिउगु यानातःगु खःसा आः सूचना विभागया पास दुपिंत नं छुट बीगु खँ नं धाःगु दु ।

थज्याःगु इलय् नं खाद्यान्नया ढुवानी, वासःया अभाव जुइके मबीगु लागिं धाःसा प्रशासनं माःगु तक कुतः यायेगु खँ नं
धाःगु दु ।

सम्बन्धित बुखँ

LEAVE YOUR COMMENTS