निषेधित क्षेत्र विरुद्ध रिट

येँ – माइतीघर मण्डला लगायत स्वनिगःया थीथी क्षेत्रयात सरकारं निषेधित क्षेत्र घोषणा याःगु विरुद्ध सर्वोच्च अदालतय् रिट दायर जूगु दु । अधिवक्ता दिनेश त्रिपाठीं म्हिगः बिहीवाः सरकारया निर्णय बदर यायेमाःगु माग यासें रिट दर्ता यानादीगु खः ।
रिटय् विपक्षीपाखें जारी निर्णय, सुचं व कार्ययोजनां नागरिकया संविधान प्रदत्त मौलिक हकया उपभोगय् पंगः वइगु व अपूरणीय क्षति जुइगु जूगुलिं उगु निर्णय कार्यान्वयन मयायेत÷याके मबीत अन्तरिम आदेश तकं जारी यायेमाः धकाः रिट निवेदन तःगु खः ।