कांग्रेसं सरकार दयेकेत तयार

येँ – न्हूगु सरकार गठनया नितिं आः नेपाली कांग्रेसं हे पहल काइगु सम्भावना अप्वया दु । आः कांग्रेस, माओवादी केन्द्र व जसपा जानाः सरकार दयेकेगु तयारी जुयाच्वंगु दुसा उकिया निंतिं कांग्रेसं हे न्ह्यःने वइगु सम्भावना अप्वया वंगु खँ सीदुगु दु ।

थौंकन्हय् समाजवादी पार्टीं सरकारया दावी यानाच्वंसां उकिया सम्भावना धाःसा म्हो जूगु दु । माओवादी केन्द्रं कांग्रेसया नेतृत्वय् सरकार गठन यायेत कांग्रेस सभापति शेरबहादुर देउवायात कन्भिन्स याःगुलिं नं आः कांग्रेसया नेतृत्वय् सरकार गठन जुइगु सम्भावना दुगु खँ धाःगु दु ।

कांग्रेसया नेतृत्वय् सरकार गठन जुइगु खँ वयेवं म्हिगः जसपा नेता महन्थ ठाकुरं कांग्रेसया वरिष्ठ नेतात नापलासें थःपिनिगु नेतृत्वय् सरकार गठन जुइमाः धकाः खँ तयादीगु खः ।
मेखे प्रधानमन्त्री केपी ओलीं जसपाया नेता ठाकुरया नेतृत्वय् सरकार दयेके फइ धाःगुलिं नं नेता ठाकुरं म्हिगः पौडेलयात नापलानाः थःगु दावी पेश यानादीगु खँ धाःगु दु ।

नेपालभाषा टाइम्स

च्वमिया मेमेगु

• महानगरपालिकापाखें प्लास्टिकया क्रिसमस ट्रीयात निषेध
• च्वबहाःस्थित सुक्खा बन्दरगाह निजी क्षेत्रयात संचालन याकेबिइत सम्झौता
• खुल्ला हनुमानध्वाखा योजना न्हापा हे दुसां ज्या मन्ह्याःगु छाय् ?
• झिंप्यंगू किलो लुँ सहित निम्हेसित ज्वन
• ठमेलया दुवाः दुवातय् सिसी क्यामेरा