सर्वोच्च बारया अध्यक्षय् पूर्णमान शाक्य त्यात

येँ – सर्वोच्च अदालत बार एशोसिएसनया अध्यक्षय् वरिष्ठ अधिवक्ता पूर्णमान शाक्य त्याःगु दु । न्हूगु कार्यसमितिया निंतिं शनिवाः जूगु निर्वाचनय् रविनारायण खनालयात ४५ मतं बूकाः शाक्य अध्यक्षय् निर्वाचित जुयादीगु खः । बृहत्त लोकतान्त्रिक समावेशी (मेधेशी, आदिवासी, जनजाति) पेशागत कानून व्यवसायी पुचपाखें उम्मदेवारी बियादीम्ह शाक्यं २ सय ९५ मत हःगु खःसा प्रगतिशील, पेशागत, देशभक्त तथा समावेशी कानून व्यवसायी पुचःया खनालं २ सय ५० मत हःगु खः ।

निर्वाचनय् प्रगतिशील पुचःया मुकुन्द प्रसाद पौडेल उपाध्यक्षय्, लोकतान्त्रिक पुचःया ऋषिराम घिमिरे, शर्मिला श्रेष्ठ व विनोदकुमार कार्की छसिकथं सचिव, सहसचिव व दांभरीलय् निर्वाचति जूगु दु । अथेहे मिसा दुजःलय् अमिता गौतम पौडेल निर्वाचित जूगु दुसा दुजलय् अनन्त कार्की, अनन्तराज लुईंटेल, तिलकविक्रम पाण्डे, दिपनारायण शाह, विकास भट्टराई, राजेन्द्र प्रसाद शाह, मिराज श्रेष्ठ, डा. रामहरि त्रिपाठी व निर्मला भण्डारी निर्वाचित जूगु दु ।

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित