‘मवःगु सेवाया शुल्क पुलेम्वाः’

येँ- मेलम्चीया लः येँय् वितरण जुइगु समारोहय् सम्बोधन यासें म्हिगः येँ मनपाया मेयर विद्यासुन्दर शाक्यं थौंकन्हय् राजधानीवासीतय्सं हितिइ लः हे मवःसां नं उकिया शुल्क पुलाच्वनेमाःगु व यदि इलय् मपुल धाःसा उकिया जरिवाना समेत पुलेत बाध्य जुयाच्वंगु खँ कनादिल ।

मेयर शाक्यया थ्व खँ न्यनाः प्रधानमन्त्री केपी शर्मा ओली अजूचायादिल । वय्कलं मेयर शाक्यया गुनासोयात अन हे सम्बोधन यासें धयादिल, ‘काठमाडौंया मेयरजुया खँ न्यनाः जि ला अजूचाल । थम्हं काये हे मखंगु सेवाया लागिं शुल्क पुलेगु ला मिले हे मजुल । उकिसनं इलय् मपुल धकाः जरिवाना कायेगु ला झन् हे मिले मजुल । आवंलिं अथे काये हे मखंगु सेवाया लागिं शुल्क पुलेमाःगु अवस्था अन्त्य यायेत जिं थ्वहे सभां निर्देशन बियाच्वना ।’

नेपालभाषा टाइम्स

च्वमिया मेमेगु

• जापानय् ख्वपया कुम्हाःतय् कलासम्बन्धी वृत्तचित्र
• बागमतिइ भाषाया कानून दयेकेगु तयारी
• ‘कोशी’ इ माओवादी नेतायात नं आक्रमण
• मखंया कुमारी माजुयात मरःजा ः
• पाटी विहारय् दिपकंर बुद्ध थापना