आः सुद्र्यः चिं गन वनी ?

सर्वोच्च अदालतया थ्व फैसलां ओली पुचः व दाहाल–नेपाल पुचःया पार्टी अलग अलग जूसां उमिगु चुनाव चिं छु जुइ धइगु खँया लिसः धाःसा अझं पिहां मवःगु खँ धाःगु दु । पुलांगु एमाले व पुलांगु माओवादी केन्द्र छप्पँ जुयाः ‘नेकपा’ निर्माण जुइवं एमाले व माओवादी केन्द्रया अस्तित्व समाप्त जूगु खः । वयां लिपा सन्ध्या तिवारीं नेकपा (एमाले) नामं मेगु पार्टी दर्ता याःगु खःसा गोपाल किराँतीं माओवादी केन्द्र नामं मेगु पार्टी दर्ता याःगु खः ।

थ्व निगुलिं पार्टीया चुनाव चिं मेमेगु हे दु । आः पुलांगु एमाले व पुलांगु माओवादी केन्द्रया मिले जुयाः बने जूगु न्हूगु पार्टीया नां मेगुलिसे ज्वःलात धायेवं उपिं एकीकरण हे जूगु मदु धायेगु पाय्छि जुइ लाकि मजुइ धइगु न्ह्यसः पिहां वःगु दु ।

आः छुं जुयाः ओलीं सन्ध्या तिवारीया नेकपा एमाले काल धाःसा व दाहाल–नेपाल पुचलं गोपाल किराँतीया माओवादी केन्द्र काल धाःसा उमिगु चुनाव चिं वहे पार्टीयागु जुइ, सुद्र्यः वा इँचा मुगः जुइ मखु धइगु नं छथ्वःसिया तर्क दु । सर्वोच्चया थ्व फैसलां यानाः निर्वाचन आयोगयात धाःसा दकलय् याउँसे च्वंका बिउगु टिप्पणी नं याना हःगु दु ।

सम्बन्धित बुखँ

LEAVE YOUR COMMENTS