किपू नपायात अक्सिजन कन्सन्ट्रेटर लःल्हात

किपू – किपू नगरपालिकायात साङ्पा फाउण्डेसनं थीथी स्वास्थ्य सामग्री लःल्हाःगु दु । कोरोना भाइरस (कोभिड १९)या निगूगु लहरया संक्रमणं महामारी न्यना वनाच्वंगु तथ्ययात ध्यानय् तयाः किपू नगरपालिका वडा नं. २ लय् च्वंगु गुम्बाया समन्वयय् फाउण्डेसनं किपू नगरपालिकायात उगु स्वास्थ्य सामग्री लःल्हाःगु खः ।

वंगु छुं दिं न्ह्यः किपू अस्पतालय् छगू ज्याझ्वःया दथुइ किपू नगरपालिकाया प्रमुख रमेश महर्जन, उपप्रमुख सरस्वती खड्काया विशेष उपस्थितिइ फाण्डेसनया प्रतिनिधि खेङपो टासी वेशरं स्वास्थ्य सामग्री लःल्हानादीगु खः । फाउण्डेसनं किपू अस्पताललिसें नगरपालिकापाखें संचालन जुयाच्वंगु स्वास्थ्य केन्द्रया निंतिं अक्सिजन कन्सन्ट्रेटर लःल्हाःगु खः ।
फाउण्डेसनं नगरपालिकायात ५० गः व नगरपालिकापाखें संचालन जुयाच्वंगु स्वास्थ्य केन्द्रया निंतिं गुंगः अक्सिजन कन्सन्ट्रेटर लःल्हाःगु खः ।

उगु इलय् कीर्तिपुर अस्पतालया निमित्त निर्देशक डा. पेरु प्रधानयात २८ गः, पिपलारी किपू नगरपालिका वडा नं. १य्च्वंगु विष्णुदेवी अस्पताल, जनस्वास्थ्य कोभिड स्वास्थ्य चौकी, भल्लारी, क ञ्चनपुर व जोमसोम स्वास्थ्य चौकिया निंतिं नं अक्सिजन कन्सन्ट्रेटर लःल्हाःगु खः ।

उगु इलय् नगरपालिकपाखें अक्सिजन कन्सन्ट्रेटर मोनिटर र स्वास्थ्य सामग्रीलिसें ताइवानी संस्था चु जी फाउण्डेसनपाखें प्राप्त स्वास्थ्य सामग्री किपू नगरपालिकाया प्रमुख महर्जनं कीर्तिपुर अस्पतालया मेडिकल सुपेरिटेन्डेन्ट डा. अम्बीर श्रेष्ठयात लःल्हानादीगु खः ।

सम्बन्धित बुखँ

LEAVE YOUR COMMENTS