न्हूबहा: पुच:या हिदान

येँ – न्हूबहा: पुच:या ग्वसाः व दौतरी संस्थाया ग्वाहालिइ शनिवाः थाय्मदुया न्हूबहालय् आकस्मिक हिदान जुल । ७०म्ह मनूतय्सं हिदान याःगु ज्याझ्वलय् ४८ पिन्ट हि संकलन जूगु खः । ज्याझ्वलय् हिदान याःपिंत मू पाहां राज्यमन्त्री रामवीर मानन्धरं दसिपाै लःल्हानादीगु खः ।

ज्याझ्वलय् येँ मनपा २५ वडाया नायः निलकाजी शाक्य, दुजः दार्विन शाक्य, न्हूबहाः पुचःया पदाधिकारीपिं, ब्लोदानया सदस्य एवं का.म.पा. २४ वडाया दुजः बिनोद तुलाधर, ब्लोदान काठमाडौं जिल्लाया सचिव एवं काठमाडौं जिल्ला रक्तदान संयोजक अनिल रत्न तुलाधर, मनाङ मस्यान्दी क्लब अध्यक्ष छिमी गुरुङ, स्थानीय बुद्धिजिवी, महिला स्वयंसेवि व स्थानीयवासितय् उपस्थिति दुगु खः । थुगु हे ज्ययाझ्वलय् तारामण्डल महिला सशक्तिकरण अभियानपाखें ब्लड डाेनर्स एशासियशनयात पिपिइ प्यपा नं बिउगु खः ।

अथेहे थ्वस्वयां न्ह्यः न्हूबहा: पुच: व दौतरी संस्थाया मंकाः कुतलय् झिंछन्हु तक थाय्मदुइ लकडाउनया इलय् खाना नयेगु इनेगु ज्या नं जूगु खः । नापं १००म्ह मनूतय्त जाकि, चिंक, चि लगायत खाद्यान नं इनेगु ज्या जूगु खः ।