फैसला फागुन १० लिपा

येँ -प्रतिनिधि सभा विघटन विरुद्ध सर्वोच्च अदालतया संवैधानिक इजलासय् न्ह्यानाच्वंगु रिटय् एमिकस क्युरीया बहस क्वचाःगु दु । सर्वोच्च अदालतं माग याःकथं एमिकस क्यरीपाखें न्याम्ह वकिलतय्सं राय बीगु ज्या म्हिगः क्वचायेकूगु खः । थुकी वरिष्ठ अधिवक्ता गीता पाठकं अन्तिम बहस यानादीगु खः ।

वय्कलं म्हिगः राय बीगु झ्वलय् बहुमत दुगु प्रधानमन्त्रीं प्रतिनिधिसभा विघटन याये मदइगु संवैधानिक प्रावधान दुगु तर्क यानादीगु खः । संविधानया धारा ७६ या थीथी उपधारा अन्तर्गत सरकार गठन यायेगु कुतः यायेमाःगु व उगु धारा अन्तर्गत कुतः यानाः नं सरकार बने मजुल धाःसा जक धारा ७६ या उपधारा ७ कथं प्रतिनिधिसभा भंग जुइगु राय वय्कलं बियादीगु खः ।

म्हिगःया इजलासय् एमीकस क्युरीपाखें बहस क्वचायेवं कानुन व्यवसायीतय्सं प्रधानन्यायाधीश चोलेन्द्र शम्शेर जबरायात आः गबलय् निर्णय न्यंकेगु धकाः न्ह्यसः न्यंगु खःसा लिसलय् जबरां फागुन १० तक इजलासय् बहस नोट लःल्हायेत व मुद्दा
‘हेर्दाहेर्दै’ या अवस्थाय् दुगु खँ धयादीगु दु । थ्व ल्याखं थुकिया फैसला फागुन १० लिपा वइगु सम्भावना ब्वलंगु दु ।

सम्बन्धित बुखँ

LEAVE YOUR COMMENTS