ओली पक्ष व प्रचण्ड–माधव पक्षया विद्यार्थी दथुइ ल्वापु

येँ – थनया आरआर क्याम्पसय् नेकपाया ओली पक्ष व प्रचण्ड–माधव पक्षया विद्यार्थी दथुइ ल्वापु जूगु दु । ल्वापुइ लानाः प्रचण्ड–माधव पक्षया विद्यार्थी दीपक बस्नेत घाःपाः जूगु दु । वयात ओली पक्षया विद्यार्थीतय्सं वा त्वःधुक दायाबिउगु खः । ल्वापु लिपा निगुलिं पक्षं महानगरीय प्रहरी वृत्त अनामनगरय् ज्यान मुद्दाय् निवेदन बिउगु दु ।

क्याम्पसय् यायेत्यंगु सरस्वती पुजायात कयाः निगू पक्षया दथुइ विवाद जुइवं प्रचण्ड–माधव पुचःया विद्यार्थीतय्त ओली पक्षया विद्यार्थीतय्सं आक्रमण याःगु खँ धाःगु दु । थ्व ल्वापुया सिसिटिभी फुटेज स्वयेगु कुतः जुयाच्वंगु खःसां क्याम्पस प्रशासनं धाःसा फुटेज बीत अलमल यानाच्वंगु द्वपं प्रचण्ड–माधव पक्षया विद्यार्थीतय्सं बिउगु दु ।