शंखधर दिवस तःजिक हनीगु

येँ (नेपालभाषा टाइम्स)- नीन्याक्वःगु शंखधर दिवस हनेगु तयारी न्ह्याःगु दु । थुगुसी थ्व हे वइगु सोमवाः (कात्तिक २६) गते शंखधर दिवस लाः ।
तत्कालीन प्रधानमन्त्री कृष्णप्रसाद भट्टराईया सरकारं ने.सं. ११२० कछलाथ्व दशमि कुन्हु नेपाल संवत्या प्रवर्तक शंखधर साख्वाःयात राष्ट्रिय विभूति घोषणा याःगु लसताय् दँय्दसं कछलाथ्व दशमी कुन्हु शंखधर दिवस हनेगु याना वयाच्वंगु दु ।

नेपाल संवत न्हूदँ राष्ट्रिय समारोह समिति ११४५ पाखें थुकुन्हु देय्न्यकं शंखधर साख्वाया झ्वाताः दुगु थासय् शंखधर दिवस हनेत नं इनाप याःगु दु । थ्वहे झ्वलय् समारोह समितिया ग्वसालय् सोमवाः भोताहितिइ च्वंगु शंखधर उद्यानय् थीथी संघसंस्थाया ग्वाहालिं शंखधर दिवस हनेत्यंगु दुसा थुकुन्हु हे चागःया लखुतिर्थय् शंखधर दिवस हनेत्यंगु दु ।