थनिंनिसें एमिकस क्युरीया बहस

येँ -संसद विघटनया मुद्दायात कयाः थनिंनिसें सर्वोच्च अदालतय् ‘एमिकस क्युरी’ या बहस शुरु जुइगु जूगु दु । म्हिगः रिट निवेदनया जवाफी बहस क्वचायेवं थनिंनिसें एमिकस क्युरीं बहस यायेत्यंगु खः । थुगु मुद्दाय् नेपाल बार एशोसियशनपाखें स्वम्ह व सर्वोच्च अदालत बार एशोसिएसनपाखें निम्हेस्यां बहस यानादी ।

नेपाल बारं बद्रीबहादुर कार्की, विजयकान्त मैनाली व सतीशकृष्ण खरेलं बहस यानादीसा सर्वोच्च अदालत बार एशोसिएसशनपाखें संविधानविद् डा. पूर्णमान शाक्य व गीता पाठकं बहस यानादी । एमिकस क्युरी सुयागु नं पक्षय् मलिउसे अदालतयात राय बीगु ज्या याइ । एमिकस क्युरीया राय लिपा सर्वोच्च अदालतं फैसला याइगु तयारी जुयाच्वंगु दु ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल