आः ‘नेकपा (एमाले)’ पाखे नेतातय् ध्यान

येँ – निर्वाचन आयोगं नेकपाया चुनाव चिं सुद्र्यः व पार्टीया लोगो निगुलिं शिल याइगु सम्भावना अप्वया वःगुलिं आः आयोगय् न्हापा हे दर्ता जुयाच्वंगु नेकपा (एमाले) धाःगु पार्टीपाखे हे ओली पक्षीय नेतातय् ध्यान वंगु खँ सीदुगु दु । निर्वाचन आयोगय् दर्ता जुयाच्वंगु उगु पार्टीया वर्तमान अवस्था छु दु धकाः थौंकन्हय् छुं नेतात आयोगया ज्याकुथी वयाः न्यं वयाच्वंगु खँ धाःगु दु ।

तत्कालीन एमाले व माओवादी एकता जुइधुंकाः उगु एकता जूगु मयःपिं छुं एमाले नेतातय्सं सन्ध्या तिवारी नांया छम्ह मनूया नामं ‘नेकपा (एमाले)’ धइगु पार्टी दर्ता यानातःगु खः । उगु पार्टीया चुनाव चिं धाःसा पहाडय् लुयाच्वंगु सुद्र्यः खः । नेकपाया विवाद समाधान याये मफयाः आयोगं आः सुद्र्यः चिं व पार्टीया लोगो निगुलिं गुटयात मबिसे शिल याइगु सम्भावना खने दयेवं छुं नेतातय्सं ‘नेकपा (एमाले)’ या अध्यक्ष सन्ध्या तिवारीयात नं स्वापू तः वयाच्वंगु खँ धाःगु दु । तिवारीं धाःसा थम्हं ओली पुचःयात चुनाव ल्वाके बिउसां अध्यक्ष पद धाःसा थम्हं त्वःते मखु धयादीगु दु ।

सम्बन्धित बुखँ

LEAVE YOUR COMMENTS