पुखूयात पुखू कायम यायेत संघर्ष समिति

किपू – पांगाय् पुखू ल्यंकेगु निंतिं संघर्ष समिति नीस्वंगु दु । शुक्रवाः च्वंगु भेलां सूर्यज्योति क्लबया अध्यक्ष रविन्द्र महर्जनया संयोजकत्वय् न्हय्म्ह दुजः दुगु समिति नीस्वंगु खः । पांगाया कित्ता नम्बर १९ या ५ रोपनी ११ आना व कित्ता नम्बर १०४ या ७ रोपनी २ आना जग्गाय् न्हापा पुखू दुगु खःसा उगु पुखू २०४३ सालय् चोभाःया समिरजंग कार्की व राजेन्द्र कार्की थःपिनिगु नामय् नामसारी याःगु खः ।

२०२१ साल तक जग्गाधनी महलय् मिनाहा च्वयातःगु दुसा मालपोत कार्यालयया लालपुर्जाय् नं पुखू न्ह्यथनातःगु दु । समितिं याःगु सहलह ज्याझ्वलय् सार्वजनिक पुखू व्यक्तिया नामय् गुकथं वन धइगु बारे छानबिन यायेमाःगु माग जूगु खः । संघर्षया ज्याझ्वः कथं न्हापांगु चरणय् किपून्यंकं हस्ताक्षर संकलन यायेत्यंगु दु ।

समितिया दुजलय् ज्ञानबहादुर महर्जन, हिराबहादुर महर्जन, प्रशान्त महर्जन, गुजय सिंह, बिष्णु महर्जन ‘नारायण’, सुशिल महर्जनपिं च्वनादीगु दु । सल्लाहकारय् नजरराम महर्जन, नरेशमानसिंह डंगोल, नारायण महर्जन, बद्रिलाल महर्जन, दिलिप महर्जन, केशरमान महर्जन व वडाध्यक्षपिं राजेन्द्रकुमार महर्जन व विनोद महर्जन च्वनादीगु दु ।

सम्बन्धित बुखँ

LEAVE YOUR COMMENTS