ने. सं. ११४४ कौलाथ्व तृतीया -

न्हापांगु जुनियर आमन्त्रण मेयर कप तेक्वान्दो

येँ- येँ महानगरपालिका प्रमुख विद्यासुन्दर शाक्यं तेक्वान्दो कासाया विकासया निंतिं फक्व ग्वाहालि यायेगु खँ धयादीगु दु । थुगु कासापाखें अनुशासित जुइगु स्यनीगु, कासा व कासामिया कुतलं राष्ट्रयात अन्तर्राष्ट्रियस्तरय् म्हसीकेत ग्वाहालि याइगु जूगुलिं इमिगु हौसला व उत्साहया निंतिं निरन्तर रुपं ग्वाहालि याना वनेगु नं वय्कलं प्रतिवद्धता प्वंकादीगु दु ।

वय्कलं उकथंया प्रतिवद्धता थनया जैशिदेवल युथ क्लब व जैशिदेवल तेक्वान्दो डोजाङया ग्वसालय् जूगु येँ जिल्लाव्यापी न्हापांगु जुनियर आमन्त्रण मेयर कप तेक्वान्दो कासा–२०७७’या समापन ज्याझ्वलय् प्वंकादीगु खः ।

ग्वसाः खलःया निगू व थीथी झिंप्यंगू तेक्वान्दो डोजा·या मिसा व मिजं कासामिया दथुइ थीथी तौल समूहय् जूगु कासाया २३निसें २६ केजी तौल समूहय् मिजंपाखे किस्मत श्रेष्ठ (लैनचौर), प्रशान्त धमला (मूलपानी), रोदन राई (स्यूचाटार), रोनिस देउजा (इचंगु) व मिसापाखे मानगेन लामा (डल्लु), सोफिया भुजेल (बालाजु), कृतिका सिलवाल (बिजेश्वरी) व विनिता मगर (इचंगुं) छसिकथं न्हाप, लिउ, लियांलिउ व हःपाः सिरपाः त्याकेत ताःलाःगु दु ।

२९ निसें ३२ केजी तौल समूहय् मिजंपाखे सुगम भुजेल (लैनचौर), अनिस परि (धल्को), विशाल थिंग (दिलिप स्मृति), अकिम भुजेल (सीतापाइला) अथे हे मिसापाखे रंजिता थापा (कोटेश्वर), सलिना श्रेष्ठ (दिलिप स्मृति), मोनिका लामा (डल्लु) व प्रकृति बस्नेत (विजेश्वरीं) छसिकथं न्हाप, लिउ, लियांलिउ व हःपाः सिरपाः त्याकेत ताःलाःगु दु ।

३२ निसें ३५ केजी समूहय् सन्देश जोशी (धल्को), सुशान्त भुजेल (लैनचौर), सन्दीप राई (जैशिदेवल) व पृथ्वी लामा (युनाइटेड) छसिकथं न्हाप, लिउ, लियांलिउ व हःपाः लाःगु दुसा ३५ निसें ३८ केजी तौल समूहय् किरण तामाङ (दिलिप स्मृति) न्हाप, राहुल लिम्बु (जैशिदेवल) लिउ, आयुष खनाल (कोटेश्वर) लियांलिउ व रोजन लामा (धल्कों) हःपाः सिरपाः त्याकल । मिसातय्गु ३८ निसें ४१ केजी समूहय् सदीक्षा कार्की (विजेश्वरी), दिया रजक (लैनचौर), मेलिना राई (मूलपानी) व सजिना तामाङ (धल्को) न्हाप, लिउ, लियांलिउ व हःपाः लाःगु दु ।
४२ निसें ४६ केजी तौल समूहय् जूगु कासाय् मिजंपाखें सागर सिं (कोटेश्वर), अर्पण लामा (धल्को), सुजन सिलवाल (सीतापाईला) व विफो लामा (डल्लू) छसिकथं न्हाप, लिउ, लियांलिउ व हःपाः सिरपाः त्याकेत ताःलाःगु दुसा थुगु हे समूहय् मिसापाखे रिना लामा (दिलिप स्मृति), रिजा तामाङ (विजेश्वरी), अनुज्ञा सापकोटा (कोटेश्वर) व करुणा कुलुम (श्रृजना) न्हाप, लिउ, लियांलिउ व हःपाः लाःगु दु ।

४६ निसें ५० केजीया मिजं कासामिपाखे सरोज मगर (दिलिप स्मृति), निश्चल मगर (कोटेश्वर) विपिन सिल्वाल (श्रृजना) व हेमन्त पाठक (जैशिदेवल) मिसापाखे ईशिका राणा (कोटेश्वर), सुमिना खड्गी (लैनचौर), ललिता बुढामगर (स्यूचाटार) व प्रशंसा लामा (धल्को) छसिकथं न्हाप, लिउ, लियांलिउ व हःपाः लाःगु दु ।

मूपाहां येँ मनपाया प्रमुख शाक्यं उत्कृष्ट कासामि, टिम विजेता, जुरी, रेफ्रीयात शिल्ड, पदक, दसिपौ, व नगद पुरस्कार लःल्हानादीगु खः ,
उगु कासाय् टीम समूहपाखे दिलिप स्मृति न्हाप, कोटेश्वर डोजा· लिउ व लैनचौर तेक्वान्दो डोजा·ं लियांलिउया सिरपाः त्याकेत ताःलाःगु दुसा उत्कृष्ट प्रशिक्षक राजेन्द्र खत्री (दिलिप स्मृति), उत्कृष्ट रेफ्री भाष्कर श्रेष्ठ, उत्कृष्ट पुम्से प्रस्तुति आयुष ढुंगेल (मूलपानी) उत्कृष्ट मिजं कासामि सागर सिंह (कोटेश्वर) व उत्कृष्ट मिसा कासामि एलिना विष्ट (विजेश्वरी) जुइत ताःलाःगु दु । उत्कृष्ट कासामियात १५० व मेपिंत १०० अमेरिकी डलर या चेक लःल्हाःगु खः ।

कासाया जुरी पुचलय् मिन न्यौपाने व विश्वराज राई च्वनादीगु खःसा रेफ्रीइ भाष्कर श्रेष्ठ, राजेन्द्र डंगोल, गणेश तामाङ, सुरेन्द्र खड्गी, रमिला खत्री, चन्दु शाही, रञ्जु तामाङ व भिम तुम्बाबो च्वनादीगु खः ।

क्लबया अध्यक्षलिसें डोजा· प्रमुख राजेश प्रजापतिया सभापतित्वय् जूगु समापन व पुरस्कार वितरण क्लबया महासचिव चन्द्रगोपाल प्रधानं लसकुस यानादीगु खःसा २१ वडाअध्यक्ष उदय चुडामणि वज्राचार्य, सल्लाहकार मधुसुदन प्रधान, तेक्वान्दो महासंघया महासचिव दीपराज गुरुङ, तेक्वान्दो संघ प्रदेश नं. ३ या उपाध्यक्ष प्रकाश खड्गी, रिलायन्स फाइनान्सया प्रमुख कार्यकारी अधिृकत अनिल श्रेष्ठ लगायतं नुगःखँ तयादीगु खः ।