
थिमि- शिक्षक, प्रशिक्षकलिसें साहित्यकार तुल्सीहरी प्रजापतिं च्वयादीगु स्वंगू कृति मंकाःकथं पितब्वज्या जूगु दु । स्रष्टा प्रजापतिं च्वयादीगु नेपालभाषाया ‘स्वनिगःया पलेस्वां’, खय् भाय्या ‘मेरो प्यारो मध्यपुर थिमि’ व अंगे्रजी ं च्वयादीगु ‘अनबिटेबल’ नांया सफू छगू हे ज्याझ्वलय् पितब्वज्या याःगु खः ।
च्वमि प्रजापतिया अबु तुल्सीबहादुर प्रजापतिया सभापतित्वय् जूगु ज्याझ्वलय् वय्कःलिसें मूपाहां मध्यपुर थिमि नगर प्रमुख मदनसुन्दर श्रेष्ठ, उपप्रमुख अञ्जना मधिकःमिं मंकाःकथं सफू पितब्वज्या यानादीगु खः ।
पितब्वज्या जूगु स्वंगुलिं सपूmयात कयाः शिक्षासेवी दिनेश चापागाइँ समालोचना यानादीगु ज्याझ्वलय् थीथी व्यक्तित्वपिंसं च्वमि व सफूयात कयाः नुगःखँ तयादीगु खः ।
LEAVE YOUR COMMENTS