
ख्वप- थनया नवदुर्गा द्यःप्याखंया देवगणयात सक्वय् बिज्याकूगु दु । सक्वय् प्यन्हुतक प्याखं क्यनेमाःगु परम्पराकथं वंगु शुक्रवाः हे नवदुर्गा द्यःगंछियात बिज्याकूगु खः।
सक्वय् नं नवदुर्गा द्यःया न्या लाकेगु जात्राकथं वंगु आइतवाः साल्खा त्वालय्, सोमवाः क्वाथस्थित तलेजुइ न्या लाकेगु जात्रा जूगु खः। नवदुर्गा द्यः प्यन्हुतक थन च्वनेधुंकाः न्यान्हुकुन्हु चाँगुनारायण यंकेगु चलन दु ।
सक्वय् थौंकन्हय् माधवनारायणया धलं दनेगु ज्या जुयाच्वंगु दुसा थ्व हे धलं दनाच्वंगु इलय् ख्वपया नवदुर्गा द्यःया द्यःगंछियात थन नं प्याखं क्यनेत यंकेमाःगु परम्परा दु । जात्राया हे झ्वलय् माधवनारायण व नवदुर्गा द्यःयात नाप लाकेगु नं परम्परा दया वयाच्वंगु दु ।
LEAVE YOUR COMMENTS