पासा पुचः गुथिया सम्मान

येँ – पासा पुचः गुथि लन्डनं नेपाल खेलकूद परिषद्या खलेकूद विशेषज्ञ सुलोचना सिजाख्वाःयात कदरपत्र सहित सम्मान याःगु दु । येँया ख्वपं लन्दन झायादीम्ह वय्कःयात अल्पर्टनय् जूगु छगू औपचारिक ज्याझ्वःया दथुइ सम्मान याःगु खः । गुथिया नायः संयुक्त श्रेष्ठ, उाध्यक्ष रुकमिणी मानन्धर, कोषाध्यक्ष सबिता मानन्धर, सहसचिव अनिल महर्जन, खेलकूद सचिव सुमीत वज्राचार्य, दुजःपिं किण मानन्धरपिनि उपस्थितिइ वय्कःयात सम्मान याःगु खः ।

मय्जु सिजख्वा झिक्वःगु दक्षिण एशियाली कासाय् कराँतेपाखें नेपाःया निंतिं स्वर्ण त्याकूम्ह कासामि खः । लिसें वय्कलं खेलकूद विज्ञानय् क्युबापाखें स्नातक नं यानादीधुंकूगु दु । ज्याझ्वलय् न्ववानादिसें नायः श्रेष्ठं बेलायतय् च्वनाच्वंपिं नेपाःमितय् मस्तय्सं नं नेपाःया खेलकूद क्षेत्रय् तिबः बिइफइगु खँ धयादिल ।

बेलायतय् च्वनाः तालिम कयाच्वंपिं मस्तय्त नेपाली कासाख्यःया परिचय बिइगु निंतिं पासा पुचः गुथि व नेपाल खेलकूद परिषद दथुइ समन्वय यायेगु सहमति यासें मय्जु सिजख्वायात गुथिया पाखें औपचारिक प्रतिनिधि नं नियुक्त याःगु खः ।