निगुलिं नेकपायात आयोगं सःतल

येँ- निर्वाचन आयोगं नेपाल कम्युनिष्ट पार्टीया निगुलिं पक्षयात सहलहया निंतिं सःतूगु दु । आयोगं केपी शर्मा ओली व पुष्पकमल दाहालयात बिस्कं बिस्कं पौ च्वयाः निर्वाचन सम्बन्धी सहलहया नितिं अध्यक्ष व अध्यक्षं क्वःछिउपिं आधिकारिक मनू यानाः न्याम्ह न्याम्हेसित सःतूगु खः । थौं ११ बजे सहलहया निंतिं आयोगं निगुलिं दलया अध्यक्षपिंत सःतूगु खँ आयोगया प्रवक्ता राजकुमार श्रेष्ठं कनादीगु दु ।

वइगु निर्वाचन प्रयोजनया निंतिं दल दर्ता यायेत सुचं प्रकाशन यायेगु ई वःगुलिं उकिया विषयसं सहलह यायेत दलतय्त सहलह यायेमाःगु खँ प्रवक्ता श्रेष्ठं धाःगु दु । उकथं हे आयोगया दलतय् दथुइ निर्वाचन सम्बन्धी कानूनयात कयाः सहलह व निर्वाचन तयारी बारे नं सहलह जुइगु खँ धाःगु दु ।

सम्बन्धित बुखँ

LEAVE YOUR COMMENTS