श्वेत गणेश व नीलः सहकारीया साधारण सभा
येँ – थनया त्यंगलय् च्वंगु श्वेत गणेश बचत तथा ऋण सहकारीया झिक्वःगु साधारण सभा शनिवाः क्वचाल । येँ महानगरपालिका २५ वडाया अध्यक्ष नीलकाजी शाक्य मूपाहाँ कथं झायादीइगु ज्याझ्वलय् त्यंगः त्वाः कुम्हा खलःया नायः हेराकाजी प्रजापति पाहाँ कथं झायादीगु खः ।
संस्थाया नायः मचाकाजी महर्जनया सभापतित्वय् जूगु ज्याझ्वलय् सचिव पूर्णकाजी महर्जनं प्रगति विवरण, कोषाध्यक्ष दीपक महर्जन आयव्यय विवरण न्ह्यब्वयादीगु खः । उपाध्यक्ष देवनारायण महर्जनं न्ह्याकादीगु ज्याझ्वलय् दुः दुर्गालक्ष्मी महर्जनं लसकुस यानादिल ।
नीलः सहकारीया गुक्वःगु द“ मुँज्या शनिवाः हे नीलः बचत तथा ऋण सहकारी संंस्था लि. न्ह्योखाया नं गुक्वःगु द“मुँज्या जुल ।
संस्थाया छ्याञ्जे माधवरत्न ताम्राकारं लसकुस यासें न्ह्याःगु ज्याझ्वलय् नायः कृष्णसुन्दर श्रेष्ठं सभापतित्व यासें आ.व.२०७४÷२०७५ या प्रतिवेदन न्ह्यब्वयादिल । अथेहे आ.वं. २०७५।७६ या अनुमानित बजेट संस्थाया न्वकु सुमन शाक्यं न्ह्यब्वयादिलसा निमित्त प्रबन्धक मय्जु सुगिना शाक्यं आ.व. २०७४।७५ आय–ब्यय न्ह्यब्वयादिल ।
LEAVE YOUR COMMENTS