ने. सं. ११४४ कौलाथ्व तृतीया -

कांग्रेसय् देउवायात द्वपं

येँ (नेपालभाषा टाइम्स) – कांग्रेसया वरिष्ठ नेता शेखर कोइरालां पार्टी सभापति शेरबहादुर देउवाया ढुलमुल नीतिं यानाः थौं आन्दोलन कमजोर जूवंगु द्वपं बियादीगु दु । म्हिगः विराटनगरय् जूगु छगू ज्याझ्वलय् न्ववासें नेता कोइरालां संसद विघटन यातं तकं सभापति देउवाया कारणं पार्टीं उकिया सशक्त विरोध याये मफुगु बिचाः नं तयादिल ।