थप न्यागू थासय् ट्राफिक मत

येँ (नेपालभाषा टाइम्स)- सडक विभागं स्वनिगःया थप न्यागू थासय् ट्राफिक मत जडान याइगु जूगु दु । विभागं स्वनिगःया ट्राफिक व्यवस्थापनय् सहजता हयेगु ल्याखं न्याथाय् ट्राफिक मत जडान यायेत्यंगु खः । विभागं चालु आर्थिक दँय् अप्वः सवारी चाप दइगु व यात्रुं सतक त्वाःल्हाइगु थाय्कथं छनोट यानाः कोटेश्वर, थापाथली, जडीबुटी, दरवारमार्ग व केशरमहलय् ट्राफिक मत जडान यायेत्यंगु खः ।

विभागं बिउगु जानकारीकथं न्यागू चोक व अनया च्यागू जेब्राक्रसिबय् मत जडान यायेत्यंगु खः । विभागं आः मत जडान यायेत्यंगु थाय्मध्ये थापाथली व जडीबुटीइ न्हापा हे मत तयातःगु दु । विभागं आतकया दुने स्वनिगःया थीथी झिंप्यंगू थासय् सवारी आवागमनय् सहजता हयेगु ल्याखं ट्राफिक मत जडान यायेधुंकूगु दु । विभागं मुक्कं छगू करोड १५ गू लाख लागतय् मत जडान यायेगु सम्झौता याःगु खः ।

नेपालभाषा टाइम्स

च्वमिया मेमेगु

• महानगरपालिकापाखें प्लास्टिकया क्रिसमस ट्रीयात निषेध
• च्वबहाःस्थित सुक्खा बन्दरगाह निजी क्षेत्रयात संचालन याकेबिइत सम्झौता
• खुल्ला हनुमानध्वाखा योजना न्हापा हे दुसां ज्या मन्ह्याःगु छाय् ?
• झिंप्यंगू किलो लुँ सहित निम्हेसित ज्वन
• ठमेलया दुवाः दुवातय् सिसी क्यामेरा