‘न्हूगु चुनावय् वनेमाः धइगु हे भारतया बिचाः’

येँ (नेपालभाषा टाइम्स) – भारतया नेपाःविज्ञ कथं परिचित प्रा. एस.डी. मुनीं वर्तमान सन्दर्भय् नेपाः न्हूगु चुनावपाखे वनेगु हे पाय्छि जुइ धइगु लाइनय् भारत खुले जुयाः हे वयेधुंकूगु बिचाः तयादीगु दु। भारतं पिहां वइगु अंग्रेजी न्हिपौ ‘द हिन्दूस्तान टाइम्स’ य् छपु च्वसु च्वसें वय्कलं आःया इलय् नेपाः न्हूगु म्याण्डेटय् वनेगु हे पाय्छि जुइ धइगु भारतीय संस्थापन पक्षया बिचाः दुगु खँ स्पष्ट यानादीगु खः । नेपालय् चीनपाखें म्हिताच्वंगु गतिविधियात निगरानी यासें भारतं थज्याःगु बिचाः दयेकूगु दावी नं वय्कलं यानादीगु दु ।