ने. सं. ११४६ बछलागा चौथी -

येँया फोहोर समस्या बारे मुख्यमन्त्रीयात जानकारी

येँ- यँे महानगरपालिकाया मेयर विद्यासुन्दर शाक्यं येँया फोहोर व्यवस्थापन यायेगु लागिं बागमती प्रदेशया सरकारयात इनाप यानादीगु दु । वंगु वालय् वय्कः थः हे प्रदेश राजधानी हेटौंडा झायाः मुख्यमन्त्री अष्टलक्ष्मी शाक्ययात थुकिया लागिं इनाप यानादीगु खः । थौंकन्हय् स्वनिगःया फोहोर वायेगु थाय् जुयाच्वंगु सिसडोलय् लँ स्यनाः वने मफयाच्वंगु व मेखे बञ्चरेडाँडाया न्हूगु ल्याण्डफिल साइट नं इलय् मदयेकूगु कारणं फोहोरया समस्या जुयाच्वंगु खँ कँसें प्रदेश सरकारपाखें नं थुकी पहल यानादीत इनाप यानादीगु खः ।