झिंन्यासः सवारी चालकयात प्रशिक्षण

येँ – महानगरीय ट्राफिक प्रहरी महाशाखां स्वनिगःया ट्राफिक व्यवस्थापन सुधारया निंतिं धासें झिंन्याद्वः सवारी चालकयात प्रशिक्षण बिउगु दु । महाशाखां न्ह्याका वयाच्वंगु स्वलाया कार्ययोजना अन्तर्गत उगु प्रशिक्षण बिउगु खः ।

महाशाखां स्वनिगःया ट्राफिक सुधार व प्रदूषण नियन्त्रणया निंतिं न्ह्याकूगु उगु कार्ययोजनाकथं १द्ध,८४३ सवारी चालकयात प्रशिक्षण बिउगु खः । महाशाखाया प्रवक्ता प्रहरी उपरीक्षक जयराज सापकोटां थीथी निकायलिसे जानाः महाशाखां स्वनिगःया ट्राफिक सुधराया निंतिं ज्या यानाच्वंगु जानकारी बियादिल ।

प्रहरी महानिरीक्षक सर्वेन्द्र खनालं वंगु चैत २१ गते स्वनिगःयात नमूना राजधानीया रुपय् विकास यायेगु ल्याखं प्वंकूगु प्रतिवद्धता कथं ट्राफिक प्रहरीं स्वलाया कार्ययोजना दयेकाः ज्या याना वयाच्वंगु वय्कलं कनादिल ।