पासायात कैंचीं सुयाः स्याःम्ह ज्वन

येँ (नेपालभाषा टाइम्स) – जःगु कैचीं सुयाः मनू स्याःगु द्वपनय् प्रहरीं छम्ह भारतीय नागरिकयात ज्वंगु दु । मंगलवाः बहनी सुवोध मियां भारतीय नागरिक कलाम मियाँयात कैचीं सूगु खः । गम्भीर घाःपाः जूम्ह मियाँ वासः याकुयाकुं मंगलवाः चान्हय् मदुगु खः । महानगरीय प्रहरी परिसर येँया कथं निम्हं लं सुइगु ज्या याइपिं खः । उमि दथुइ दथुइ न्हापांनिसें रिसइबी दुगु खःसा मंगलवाः बहनी विवाद जुइवं सुवोधं कैचीं सुया बिउगु खः । बालाजु बाइपासय् कलामयात कैचीं सुयाः टाटा सुमो रि जर्भ यानाः बिसिउँ वनाच्वंगु अवस्थाय् सुवोधयात प्रहरीं ज्वंगु खः ।

मेखे ख्वपया छखा छेँय् रेलिङ तयेगु झ्वलय् नितँजालं कुतुं वयाः छम्ह मजदुर सीगु दु । सीम्ह ख्वप सूर्यविनायक-५ या ईश्वर कार्की खः । प्रहरीया कथं सूर्यविनायकया पाण्डुबजार हाइटय् गोविन्द राजकर्णिकारया छेँय् स्टिलया रेलिब तयेगु झ्वलय् कार्की आकाझाकां कुतुंवंगु खः । गम्भीर घाःपाः जूम्ह कार्की वासः याकेगु झ्वलय् मध्यपुर अस्पतालय् मदुगु खः ।

सम्बन्धित बुखँ

LEAVE YOUR COMMENTS