मध्यपुर थिमि नगरपालिकायात एसियन टाउनस्केप अवार्ड

थिमि (नेपालभाषा टाइम्स) – मध्यपुर थिमि नगरपालिकायात युएन ह्याबिटाटया ‘एसियन टाउनस्केप अवार्ड’ पाखें सम्मान याःगु दु । युएन ह्याबिटाट एशिया प्यासिफिक क्षेत्रपाखें छगू समीक्षा यासें मध्यपुर थिमि नगरपालिकायात उगु अवार्ड लःल्हाःगु खः ।

सहरी क्षेत्रया विकासय् सक्रिया युएन ह्याबिटाट एशिया प्यासिफिक क्षेत्रया ज्याकुथिइ जूगु प्रगति समीक्षा यायेगु झ्वलय् नगरपालिकायात उगु पुरस्कार लःल्हाःगु खः । नगर दुनेया ऐतिहासिक, धार्मिक, सांस्कृतिक व पुरातात्विक महत्वया सम्पदा पुनःनिर्माणय् नगरपालिकां यानाच्वंगु ज्या व उकी काःगु सफलताया लिधंसाय् उगु अवार्डपाखें पुरस्कृत याःगु खः ।

वंगु अगस्ट महिना तकया दुने जूगु प्रगतिया समीक्षा यासें नगरपालिकायात उगु अवार्ड लःल्हाःगु खःसा थुगु अवार्ड कायेत सफल जूगु मध्यपुर थिमि नगरपालिका नेपाःया हे छगूयां छगू जक स्थानीय तह खः । अवार्डया निंतिं एशियाया स्थानयि सरकार, विभाग, शहरी व्यवस्थापन निकाय, गैरसरकारी व सामुदायिक संघसंस्था, अनुसन्धान केन्द्र, योजना निर्माण विज्ञ लगायतया प्रतिस्पर्धा जूगु खः । अवार्डया निंतिं नेपाःया मध्यपुर थिमि नगरपालिकालिसें दक्षिण कोरियाया प्यंगू, जापानया स्वंगू, चीनया निगू, मलेशिया व थाइल्याण्डया छगू छगू स्थानीय तहं सिरपाः त्याकेत ताःलाःगु खः ।

अवार्डया निंतिं १३२ गू शहरमध्ये १२ गू शहर अवार्ड त्याकेत सफल जूग खःसा मध्यपुर थिमि नगरपालिकां सांस्कृतिक व सम्पदा संरक्षण अन्तर्गत अवार्ड त्याकेत सफल जूगु खः । मध्यपुर थिमि नगरपालिकाया प्रमुख मदनसुन्दर श्रेष्ठयाकथं न्यागू पुखु, गुंगः ततःग्वःगु देगः, नीगू ल्वहंहिति, नीन्यागू फल्चा, सतः, निगू पार्क निर्माण याःगु खः । नगरपालिकां न्हापा फोहर वायेगु थाय् यात नं पार्कया स्वरुप बिउगु खः ।

सम्बन्धित बुखँ

LEAVE YOUR COMMENTS