शब्द संवादया ग्वीस्वंगूगु ब्व क्वचाल

भ्वँत – शब्दयात्रा प्रकाशनया ग्वसालय् न्ह्यानाच्वंगु कर्मयोद्धालिसेया शब्द संवादया ९३ क्वःगु ब्व क्वचाःगु दु । वाःपतिकं थीथी विषय कःघानाः न्ह्याका वयाच्वंगु थुगु ज्याझ्वः अन्तर्गत वंगु वालय् जूगु ज्याझ्वलय् पत्रकारनापं साहित्यकार कृष्ण प्रजापति मूपाहांकथं झायादीगु खः ।

शब्द यात्रा प्रकाशनया ज्याकू अक्षरधामय् जूगु ज्याझ्वलय् ख्वपया साहित्यकार पशुपतिमान पःमांनं २०१० सालंनिसें मुंका तयादीगु नेपालभाषा व खय् भाय्या ३६५ गू सफू व सफू तयेगु निंतिं दराज प्रकाशनयात लःल्हानादीगु खः । श्री शर्मा ‘मूर्ख’या सभापतित्वय् जूगु ज्याझ्वलय् प्रकाशनया नायः हरि मंजुश्रीं संस्थापाखें न्ह्याकेत्यनागु थीथी कथंया साहित्यिक व सामाजिक अभियान बारे जानकारी बियादिसें संस्थापाखें आतक न्ह्याका वयाच्वंगु ज्याझ्वःयात कयाः सल्लाह सुझावया निंतिं इनाप यानादीगु खः ।

ज्याझ्वःया मूपाहां प्रजापतिं समाजसेवी बेलप्रसाद श्रेष्ठया प्रतिमा स्थापना बारे थम्हं इटहरी व धनकुटाय् भाषा प्रशिक्षण बीत वनागु इलय् न्यनागु व संस्थां थुकथंया संवाद ज्याझ्वलय् विषय दयेकाः यंकेमाःगु खँय् बः बियादिल ।

ज्याझ्वलय् पद्म दाहालं बेलप्रसाद श्रेष्ठया प्रतिमा स्थापना, पुण्यवती घलें शब्दसञ्चार रेडियो ज्याझ्वः, केदारनाथ तिमिल्सिनां शब्दयात्रा छात्रवृत्ति, ओतप्रसाद खड्कां शब्दयात्रा घुमन्ते पुस्तकालय, दामोदर घिमिरें शब्दयात्रा कर्मशीलता पुरस्कार, चुडाप्रसाद पुडासैनीं अक्षरधाम पत्रिका, पूर्णबहादुर कार्कीं गुञ्जन साहित्यिक समाज व डा. इन्दुल केसीं पुरस्कार चयन समितिया गठन विषयय् थःथःगु नुगःखँ प्वंकादीगु खः ।

सम्बन्धित बुखँ

LEAVE YOUR COMMENTS