चाकुमरिइ लुसिया कुचा

येँ (नेपालभाषा टाइम्स) – आँगन स्वीट्सया मरिइ लुसिया कुचा लुइवं उकियात कयाः खाद्य प्रविधि तथा गुण नियन्त्रण विभागं अनुसन्धान न्ह्याकूगु दु । प्रहरी वरिष्ठ उपरीक्षक (एसएसपीं) डिआईजी पदय् बढुवा सिफारिस जूम्ह डा. देवबहादुर बोहरां कमलपोखरीइ च्वंगु आँगनया पसलं न्याना हःगु मरिइ लुसिया कुचा लूगु खः ।

डा. बोहरां न्याःगु मरिइ लुसिया कुचा लुइवं वय्कलं आँगनयात कारबाही यायेत निर्देशन बियादीगु खः । तर अखाद्य वस्तु मिसावट सम्बन्धी मुद्दाया अनुसन्धान यायेगु ज्या प्रहरीया कार्यक्षेत्रय् मलाःगुलिं खाद्य प्रविधि तथा गुण नियन्त्रण विभागं उकियात कयाः अनुसन्धान न्ह्याकूगु दु । विभागं पसःथुवाःयात ज्वनेगु वा मज्वनेगु धइगु बारे धाःसा छुं निर्णय याःगु मदुनि ।