३ नं. प्रदेश यातायात ज्याकू संचालनय्

येँ – प्रदेश नं. ३ सरकारं यातायात व्यवस्था सेवा ज्याकू संचालनय् हःगु दु । प्रदेश नं. ३ या मुख्यमन्त्री डोरमणि पौडेलं प्रदेश यातायात व्यवस्था सेवा ज्याकू स्थापना जुयाः सेवा विस्तार जुइ धुंकूगु धयादीगु दु ।प्रदेश ज्याकू स्थापना लिपा जूगु ज्याझ्वलय् नवासें मुख्यमन्त्री पौडेलं प्राय दक्वं अधिकार प्रदेशय् वयेुधंकूगु दावी यासें यातायात व्यवस्था सेवा ज्याकू संचालनय् वःगु प्रदेश सरकारया निंतिं तःधंगु उपलब्धी जूगु धयादिल ।

ज्याकूयात अझ व्यवस्थित याना यंकेत आवश्यक जनशक्तिया व्यवस्थापन यानाः यंकेगु व वइगु दिन प्रभावकारी सेवा बीगु प्रतिवद्धता नं प्वंकादिल । प्रदेश सरकारं संचालनय् हःगु ज्याकूपाखें ब्लू बुक नवीकरण, दक्वं कथंया सवारीया कर, जाँच पास लगायतया ज्या जुइगु व याकनं हे लाइसेन्स नवीकरणया ज्या नं उगु हे ज्याकुथिं याइगु प्रदेश नं ३ या यातायात ज्याकूया प्रमुख पोषण थापां कनादिल ।