ने. सं. ११४६ बछलागा चौथी -

स्वनिगलय् थप १६१५ म्ह संक्रमित

येँ (नेपालभाषा टाइम्स) – बिहिवाः न्हिछिया दुने स्वनिगलय् जक थप १६१५ म्ह कोरोना संक्रमित लूगु दु । स्वास्थ्य तथा जनसंख्या मन्त्रालयया कथं बिहिवाः देय्न्यंकं २३६४ म्ह संक्रमितत लूगु मध्ये येँ १३३८ म्ह, यलय् १८० म्ह व ख्वपय् ९७ म्ह कोरोना संक्रमित थप जूगु दु । स्वनिगलय् जक आःतक ५९ हजार २३४ म्ह संक्रमितत लुइधुंकूगु दुसा थुपिं मध्ये ४२ हजार ५०४ म्ह संक्रमणमुक्त जुइधुंकूगु दु । अथेहे २० ९ म्हेसिया ज्यान वंगु दु । अथेहे यलय् आःतक ८३५० म्ह संक्रमित लूगु दुसा थुपिं मध्ये ५८२२ म्ह संक्रमण मुक्त जूगु दुसा ५८म्हेसिया ज्यान वंगु दु । ख्वपय् आःतक ५५१९ म्ह संक्रमित लूगु दुसा थुपिं मध्ये ४३८३ म्ह संक्रमण मुक्त जूगु दुसा ६१ म्हेसिया ज्यान वंगु दु ।