ओलीया केन्द्रय् स्थानीय नेतात

येँ (नेपालभाषा टाइम्स) – नेकपा विभाजन जुइगु अवस्थाय् प्रधानमन्त्री केपी ओलीं थःगु पक्षया पार्टीइ थपे याःपिं केन्द्रीय कमिटीया दुजलय् स्वनिगःया आपालं स्थानीय नेतात दुथ्याःगु दु । थुकी येँपाखें येँ महानगरपालिकाया मेयर विद्यासुन्दर शाक्य, शहरी विकास राज्यमन्त्री रामवीर मानन्धर लिसें बागमती प्रदेशय् येँया सांसदपिं डा. अजयक्रान्ति शाक्य व राजेश शाक्य नं दुथ्याःगु दु । प्रम ओलीया पार्टीं निर्वाचन आयोगय् १११९ म्ह दुजः दुगु थ्वहे केन्द्रीय कमिटीया नांधलः लःल्हाःगु दु ।