ने. सं. ११४३ ञलागा चौथी -

नीलः सहकारीया दँमुँज्या क्वचाल

येँ (नेपालभाषा टाइम्स) – नीलः बचत तथा ऋण सहकारी संस्थाया झिंछक्वःगु दँमुँज्या वंगु शनिवाः क्वचाल । कोरोना महामारीया कारणं सकलें मुनाः दँमुँज्या च्वने मफुगु जूगुलिं पुस ३ गते तक संस्थाया ज्याकू न्ह्यःखाय् सदस्य दर्ता उपस्थित पुस्तिका सही याके बिउगु खः । थ्व लिपा पुस ४ गते मिस्टिक होमय् जूगु बःचाधंगु ज्याझ्वलय् संस्थाया नायः कृष्णसुन्दर श्रेष्ठं आर्थिक दँ २०७६-७७या प्रतिवेदन नह्यब्वयादीगु खःसा दांभरिं अनिशमान श्रेष्ठं २०७७/७८या अनुमानित बजेट न्ह्यब्वयादीगु खः । अथेहे लेखा समितिया संयोजक अमित महर्जनं लेखा समितिया आर्थिक दँ २०७६/७७या प्रतिवेदन न्ह्यब्वयादीगु खः ।

मुँज्यां आर्थिक दँ २०७७/७८या लेखा परीक्षणया निंतिं लेखा परीक्षक दिवसचन्द्र मल्लिकयात ल्यःगु दु । अथेहे सभां सम्पत्ति शुद्धिकरण निवारण कार्यविधि २०७५, मर्जर कमिटी गठन, लाभांस कोष विनियम नं पारित याःगु खः । सभा लिपा जूगु निर्वाचनं न्हूगु संचालक समिति नं ल्यःगु दु । न्हूगु संचालक समितिइ नायः कृष्णकुमार श्रेष्ठ, न्वकु सुमन शाक्य, छ्याञ्जेय् माधवरत्न ताम्राकार, दांभरि अमित महर्जन व दुजलय् बाबुराजा महर्जन, सितु तामकार, अनिशमान श्रेष्ठ च्वनादीगु दुसा लेखा समितिइ सिद्धिकुमार वज्राचार्य, सत्यभामा श्रेष्ठ व बाबुकाजी महर्जन च्वनादीगु दु । निर्वाचित पदाधिकारीपिंत निर्वाचन अधिकृत चन्द्रलाल श्रेष्ठं शपथ ग्रहण याकाः दसिपौ लःल्हानादीगु खः ।