भुइजःसि नारांद्यः दर्शनया निंतिं खुल्ला

येँ (नेपालभाषा टाइम्स) – भुइजःसिं नारांद्यःया सर्वसाधारणया दर्शनया निंतिं म्हिगःनिसें खुल्ला याःगु दु । कोरोना संक्रमणया जोखिमया कारणं वंगु चैत ११ गतेनिसें बन्द जुयाच्वंगु देगः म्हिगःनिसें सर्वसाधारणया निंतिं खुल्ला याःगु खः ।

बागमति प्रदेशसभा सदस्य दीपक निरौला व बुढानीलकण्ठ नगर पालिकाया प्रमुख उद्धवप्रसाद खरेलं मंकाःकथं भुइजःसि नारांद्यः दर्शनया निंतिं खुल्ला यानागु घोषणा यानादीगु खः । उगु देगः सर्वसाधारणयात दर्शनया निंतिं बन्द यानातःगु खःसां न्हिथं जुइमाःगु नित्य पुजा, आरती व मेमेगु धार्मिक गतिविधि धाःसा नियमित रुपं जुया वयाच्वंगु खः ।

सम्बन्धित बुखँ

LEAVE YOUR COMMENTS