
प्रधानान्त्री केपि ओलीं संसद् विघटनया सिफारिसयासें वइगु वैशाख २३ गते चुनाव यायेगु सिफारिस यानादीगु दु । प्रधानमन्त्री ओली संसद विघटन व चुनावया सिफरिस यानाः राष्ट्रपति निवासं लिहां वयेधुंकूगु दु , तर राष्ट्रपति विद्या देवी भण्डारी संसद विघटनया सिफारिसयात अनुमाेदन यानामदीनि ।
प्रधानमन्त्रीं सिफारिस याःगु संसद विघटनयात कयाः धाःसा तच्वःगु विराेध सुरू जूगु दु । प्रधानमन्त्रीया हे पार्टी नेकपाया मेम्ह अध्यक्ष पुष्पकमल दाहाल, नेता माधव नेपाल, झलनाथ खनालं संसद विघटन संविधान अःखः जूगु धाःगु दु । अथे हे प्रमुख प्रतिपक्षी कांग्रेसया नेतात शेरबहादुर देउवा, रामचन्द्र पाैडेल, गगन थापापिंसं नं प्रधानमन्त्रीया पलाः असंवैधानीक, गनतन्त्र विराेधी व अधिनायकवाद धाःगु दु । अथेहे संविधानविद्तय्सं संविधानयात हे कू यायेगु कुतः धाःगु दु सरकारया हे मन्त्रीतय्सं नं ओलीया पलाःया विराेध याःगु दु । मन्त्री हृदयश त्रिपाठीं संसद विघटन दुर्भाग्यपूर्ण धाःगु दु ।
LEAVE YOUR COMMENTS