पद्मरत्न तुलाधर राष्ट्रिय स्मृति प्रतिष्ठान गठन याइगु

येँ /वरिष्ठ मानवाधिकारवादी नेत लिसें जाति भाषा आन्दोलनया न्ह्यलुवा पद्मरत्न तुलाधरया नामं जनस्तरं प्रतिष्ठान गठन यायेगु पहल शुरु जूगु दु। उकिया लागिं वंगु छुं ई न्ह्यवंनिसें थीथी मानव अधिकारवादी व जनजाति आन्दोलनया न्ह्यलुवातय् दथुइ सहलह न्ह्यानाच्वंगु खःसा म्हिगः थुकिया लागिं छगू तयारी हे गठन यानाः ज्या न्ह्याकेगु निर्णय जूगु खः ।

जनस्तरं गठन याइगु प्रतिष्ठानया नां ‘पद्मरत्न तुलाधर राष्ट्रिय स्मृति प्रतिष्ठान’ तयेगु प्रारम्भिक सहमति जूगु दु। उकिया लागिं डा.ओम गुरुङं अवधारणापत्र दयेकेगु व राजेन्द्र श्रेष्ठं विधान दयेकेगु जिम्मा कयादीगु दु।

भाजु तुलाधर मदुगु इलय् सरकारपाखें हे छगू प्रतिष्ठान दयेकेगु बचं बिउगु खःसां उकिया लागिं आः तक छुं पहल मजूगु कारणं भाजु तुलाधरं शुरु याना थकूगु थीथी आन्दोलनलिसे आवद्ध संघ संस्था व व्यक्तित जानाः थ्व प्रतिष्ठान नीस्वनेगु पहल जूगु खः । थुकी दमननाथ ढुंगाना, सुरेश आलेमगर, डा. चुन्दा वज्राचार्य, परशुराम तामाङ, सुशील प्याकु¥याल, गौरी प्रधान, पासाङ शेर्पा आदिपिं सक्रिय जुयादीगु दु ।

सम्बन्धित बुखँ

LEAVE YOUR COMMENTS