मेडिकल कलेज थुवाःयात ख्वालय् हाखः पाकल

येँ – काठमाडौं मेडिकल कलेज व नोबेल मेडिकल कलेजया सञ्चालक सुनिल शर्मायात विद्यार्थीया छगू पुचलं म्हिगः सिंहदरबार दुने हाखः पाकूगु दु । म्हिगः शिक्षा मन्त्रालयं सःतूगु बैठक क्वचायेकाः लिहां वयाच्वंगु इलय् शर्मायात अन हे विद्यार्थीतय्सं ख्वालय् हाखः पाकूगु खः ।

समाजवादी विद्यार्थी युनियनया अध्यक्ष सुदेश पराजुली व अखिल (क्रान्तिकारी) या अध्यक्ष पञ्जा सिंहं मंकाः विद्यार्थी संघर्ष समितिं हाखः पाकूगु खँ धाःगु दु । मेडिकल कलेजं चिकित्सा शिक्षाया विद्यार्थीतय्के अप्वः ध्यबा काल धकाः छुं ई न्ह्यवंनिसें विवाद जुयाच्वंगु खः । मन्त्रालयं अप्वः शुल्क काये दइ मखु धकाः याःगु निर्णय थम्हं पालना याये मखु धकाः शर्मां फरक मत च्वःगु खः ।

सम्बन्धित बुखँ

LEAVE YOUR COMMENTS