चिनी कारखाना विरुद्ध किसानत हानं आन्दोलित

येँ -चिनी मिलं थःपिंत बीमाःगु ध्यबा मबिउ धासें येँया फिब्व ख्यलय् प्रदर्शन यानाच्वंपिं किसानतय्सं थःपिनि माग पूवकेत सरकारं आनाकानी यात धाःसा प्रधानमन्त्री निवास बालुवाटार घेराउ यायेगु ख्याच्वः बिउगु दु । वंगु दँया पुस १८ गते थःपिं लिसे जूगु सम्झौता कार्यान्वयन मयात धाःसा थःपिसं सिंहदरवार व बालुवाटार घेराउ यायेमालिगु ख्याच्वः बिउगु खः ।

चिनी मिलं ताः ई तक किसानतय्त बीमाःगु भुक्तानी मबीवं थगुने पुसय् किसानतय्सं येँय् वयाः आन्दोलन याःगु खः । उगु इलय् सरकारं किसानतय्त ध्यबा बीगु धासें सम्झौता याःगु खः । उगु सम्झौता कथं आः तक नं किसानतय्त भुक्तानी मबीवं किसानत हाकनं आन्दोलित जूगु खःसा वंगु छुं न्हि न्ह्यवंनिसें फिब्व ख्यलय् प्रदर्शन यानाच्वंगु खः ।

प्रदर्शनया झ्वलय् किसानतय्सं थःपिंत भुक्तानी मयाःतले थःगु थासय् लिहां मवनेगु ख्याच्वः नं बिउगु दु । थगुने जूगु लिखित सम्झौता कार्यान्वयन मजुइवं आन्दोलन यायेत थःपिं बाध्य जूगु खँ किसानतय्सं धाःगु दु ।

सम्बन्धित बुखँ

LEAVE YOUR COMMENTS