थप १६६९ म्हेसित संक्रमण

येँ (नेपालभाषा टाइम्स) – नेपालय् म्हिगः आइतवाः २४ घन्टाया दुने थप १६६९ म्हेसिके कोरोना भाइरस संक्रमण पुष्टि जूगु दुसा थप झिंखुम्हेसिया ज्यान वंगु खँ स्वास्थ्य मन्त्रालयं धाःगु दु। थुकिया लिसें नेपालय् कोरोना संक्रमित जूपिनि ल्याः निगू लाख २० हजार ३०८ म्ह थ्यंगु दुसा कोरोनाया कारणं सीपिनि ल्याः १ हजार ३२१ म्ह थ्यंगु दु ।

अथेहे आः नं देय्न्यंकं यानाः २१ हजार २८४ म्हेसिके सक्रिय संक्रमण खनेदनी । तर विज्ञतय्सं गाक्क परीक्षण मजूगुलिं संक्रमित जूपिनि ल्याः अझं अप्वः दयेफुनिगु खँ धाःगु दु । म्हिगः संक्रमण जूपिं मध्ये येँय् जक ७७३ म्ह लाःगु दुसा यलय् १३१ म्ह, ख्वपय् ५३ म्ह लाःगु दु । नेपालय् संक्रमण खनेदुपिं मध्ये अप्वः धयाथें स्वनिगःयापिं हे लाइगु जुया वयाच्वंगु दु ।

सम्बन्धित बुखँ

LEAVE YOUR COMMENTS