संकिपा ‘जि यःम्ह बाः’या शुभमूर्हुत

थिमि – नेपालभाषाया न्हूगु चीहाः संकिपा ‘जि यःम्ह बाः’या शुभमुहूर्त जूगु दु। थनया बालकुमारी द्यःया न्ह्यःने चीहाः संकिपाया शुभमुहूर्त याःगु खः । कोरोनाया विषम परिस्थितियात ध्यानय् तयाः क्यामरा जक पुजा यानाः संकिपाया शुभमुहूर्त याःगु खः । संकिपाय् राजु मानन्धर, हरिकृष्ण दुवाल, अभय डंगोल, सजिना नापित लगायतया कलाकारतय् भूमिका दइगु जूगु दु। तापलय्या च्वमि नापं छुं ई न्ह्यः जक युट्युबय् अपलोड जूगु किजापुजा सम्बन्धी चीहाः संकिपा ‘जि यःम्ह किजा’या च्वमिलिसें निर्देशक श्याम माकः श्रेष्ठया लेखन व निर्देशनय् थुगु चीहाः संकिपा निर्माण जुइत्यंगु खः ।