दीपिकां भाःतयात लिफ्यात

बलिउडय् दकलय् अप्वः कमाई दुुम्ह सेलिब्रिटी सु जुइ ? सकसिनं न्ह्यसःया लिसः थःथःगु हे धंगः बी जुइ ! अले थःत यःम्ह कलाकार हे दकलय् अप्वः कमाई दुम्ह खः धकाः नं च्वनी जुइ । फोब्र्स नांया पत्रिकां नकतिनि सार्वजनिक याःगु धलः कथं बलिउडय् दकलय् अप्वः कमाइ दुम्ह सेलिब्रिटी खः नायक सलमान खान ।

फोब्र्स इण्डियां सन् २०१८ य् दकलय् अप्वः कमाइ दुपिं सछिम्ह सेलिब्रिटीया नां सार्वजनिक याःगु खः । उकी सलमान खान दकलय् शीर्षस्थानय् दु । थ्व धलखय् शीर्षस्थानय् दुपिं मेपिं सेलिब्रिटीइ २ न..य् क्रिकेट कासामि विराट कोहली, ३ नं.य् नायक अक्षय कुमार, ४ नं.य् नायिका दीपिका पादुकोण, व ५ नं.य् क्रिकेट कासामि महेन्द्र सिंह धोनी नं दुथ्यानाच्वंगु दु ।

थुकथं हे ६ निसें १० नं.य् आमिर खान, अमिताभ बच्चन, रणवीर सिंह, सचिन तेन्दूल्कर व अजय देवगण दु । शीर्ष न्यागू थाय् तकया धलःयात स्वयेगु खःसा दीपिकां थः भाःत नायक रणवीर सिंहयात नायिका लिफ्यायेत सफल जूगु दु । दीपिका व रणवीरया इहिपा वंगु लाय् जक जूगु खः ।

थगुनेया धलखय् शीर्षस्थानय् लायेत सफल जुयाः थुगुसी कुहां वःपिं सेलिब्रिटीइ प्रियंका चोपडा व शाहरूख खान दु । शीर्षस्थानय् दुम्ह सलमानया कमाइ दछिया २५३ दशमलव २५ करोड दु ।

सम्बन्धित बुखँ

LEAVE YOUR COMMENTS