थौं नेकपाया स्थायी कमिटी बैठक
येँ (नेपालभाषा टाइम्स) – नेपाल कम्युनिष्ट पार्टी (नेकपा)या निम्ह अध्यक्ष दथुइ जुयाच्वंगु विवादया झ्वलय् अध्यक्षपिं केपी ओली व पुष्पकमल दाहालं सचिवालय बैठकय् हःगु प्रतिवेदन स्थायी कमिटीइ यंकीगु जूगु दु । म्हिगः न्हिनय् जूगु स्थायी कमिटीया बैठकय् प्रतिवेदन स्थायी कमिटीइ यंकेगु खँ जूगु खः । स्थायी कमिटीया बैठक थौं न्हिनय् १ बजे पार्टी ज्याकू धुम्बाराही जुइ धाःगु दु । तर स्थायी कमिटीया बैठक तयेगु बार ओली धाःसा अझं तयार मजूनिगु खँ वयाच्वंगु दु ।
म्हिगः सचिवालय बैठक च्वने न्ह्यः ओली व दाहाल दथुइ बाघौ याकःयाकः खँल्हाबल्हा जूगु खः । ओली पक्षया छम्ह नेताया कथं ओली म्हिगःया सचिवालय बैठक च्वनेत जक तयार जूगु खः, स्थायी कमिटीया निंतिं तयार जूगु मदुनि, उकिं वय्कः कन्हय् जुइगु स्थायी कमिटीया बैठक वनी कि वनीमखु धायेमफुनि धाःगु दु ।
LEAVE YOUR COMMENTS