ने. सं. ११४६ अनलाथ्व नवमी -

अगिंमथय् सिजःया पौ तइगु

यल (नेपालभाषा टाइम्स) – यल महानगरपालिका वडा नं. १९ य् च्वंगु धार्मिक व ऐतिहासिक महत्वया प्राचीन अगिंमथः (अग्निशाला)य् सिजःया पल्लिं चिइगु जूगु दु। थौंकन्हय् अगिंमथःया जस्ताया पौ चिइकाः सिजःया पौ तयेत्यंगु खः । यल महानगरपालिकां सम्पदा संरक्षणया ज्यायात प्राथमिकताय् तयाः धार्मिक व सांस्कृतिक महत्वया अगिंमथय् उगु योजना न्ह्याकेत्यंगु खः । झण्डै प्यद्वः दँ न्ह्यः निर्माण जूगु धयातःगु अगिंमथःया बारे आतक नं थ्व सम्बन्धी उल्लेख जुयाच्वंगु शिलालेख धाःसा गनं नं लुया वःगु मदुनि । यल मनपां सम्पदा संरक्षणया निंतिं ४० गू लाख बजेट विनियोजन याःगु खः । थनया अगिंमथय् च्यानाच्वंगु मि गबलें नं सीमखु ।