येँय् भिडभाड मयायेत निर्देशन

येँ (नेपालभाषा टाइम्स)÷जिल्ला प्रशासन कार्यालयं आवंलि येँय् भिडभाड जुइगु छुं नं कथंया गतिविधि मयायेत निर्देशन बिउगु दु । म्हिगः छगू विज्ञप्ति जारी यासें जिल्ला प्रशासन कार्यालयं उगु निर्देशन बिउगु खः । विज्ञप्तिइ नोवेल कोरोना भाइरस (कोभिड–१९) महामारीया दथुइ सभा, जुलुस, प्रदर्शन वा अभियानया नामय् भिडभाड याइपिंत कानुनी कारबाही यायेगु खँ न्ह्यथँसें राजनीतिक वा थीथी माग तयाः भिडभाड याःसा स्थानीय प्रशासन ऐन व संक्रमण रोग ऐन कथं कारबाही यायेगु खँ धयातःगु दु । कोरोना संक्रमण नियन्त्रणय् मवःगुलिं भिडभाड यायेबलय् महामारीं भयावह रूप काये फइगु जूगुलिं अज्याःगु आदेश बीमाःगु खँ नं उकी धयातःगु दु । येँ जिल्ला प्रशासनं जारी याःगु उगु विज्ञप्ति खास यानाः स्वनिगलय् जुजुवादीतय्सं न्हिंन्हिं र्‍याली पिकायेगु ज्या यानाच्वंगुलिं उकियात पनेगु लागिं वःगु अनुमान याना हःगु दु ।

सम्बन्धित बुखँ

LEAVE YOUR COMMENTS