ने. सं. ११४६ चाैलागा एकादशी - बरूथनी एकादशि / ख्वयपू यःसिं थनेगु

मरुसतः वइगु वैशाख १२ गते दुने क्वचायेकेगु तयारी

येँ (नेपालभाषा टाइम्स) – मरुसतः पुनर्निर्माणया ज्या वइगु वैशाख १२ गते दुने क्वचायेकेगु कथं ज्या जुयाच्वंगु दु । म्हिगः मरुसतःया लिपांगु तल्लाय् थां तयेगु ज्या जूगु खः । म्हिगः अन नीगः थां धंकेगु ज्या जूगु खः । २०७२ साल वैशाख १२ गते ब्वःगु तःभुखाचं मरुसतः क्षति जूगु खः । वंगु असार तकया दुने पुनर्निर्माणया ज्या पूवंकेगु ताः तयातःगु खःसां नं विश्वन्यकं कोरोना भाइरसया संक्रमणया कारणं न्हापांगु स्वला तक बांलाक ज्या यायेमफुगुलिं पुनर्निर्माण ज्या लिबाःगु खः । वयां लिपा निषेधाज्ञाया दथुइ नं निरन्तर रुपं ज्या न्ह्यानाच्वंगु दु। मरुसतः दयेकेगु नितिं बागमति प्रदेशया सांसद राजेश शाक्यया नेतृत्वय् छगू समिति दयेकूगु खःसा उगु समितिया निर्देशन कथं पुनर्निर्माणया ज्या जुयाच्वंगु खः ।