घाटा जुइवं केएमसीया शेयर बिक्री

येँ (नेपालभाषा टाइम्स) – कोरोनाया महामारीं यानाः घाटाय् वनाच्वंगु काठमाडौं मेडिकल कलेज (केएमसी) प्यम्ह बोर्ड सदस्यतय्सं थःपिनि शेयर मीगु तयारी यानाच्वंगु खँ सीदुगु दु। शेयर मीपिं बोर्ड दुजःत मध्ये कलेजया चेयरम्यान आर.आर. पाण्डे नं लाः ।

विज्ञ सूत्रया कथं थ्व प्यम्ह दुजःतय्सं थःपिंके लानाच्वंगु करिब ४ अर्ब तका बराबरया शेयर मीत्यंगु खः । उपिं प्यम्हेसिगुं थ्व शेयर विराटनगरस्थित नोवेल अस्पतालया सञ्चालक मनोज शर्मां न्यायेत्यंगु खँ नं सीदुगु दु। थ्व शेयर न्यायेधुंकल कि शर्माया ल्हातिइ कलेजया ५१ प्रतिशत शेयर लाः वइ । वयां लिपा कलेज नं वय् कलं हे सञ्चालन याइगु खँ धाःगु दु ।

शेयर न्यायेगु-बीगु बारे वय्कःपिनि दथुइ ‘एमओयु’ समेत जुइधुंकूगु खँ नं सूत्रं धाःगु दु। काठमाडौं मेडिकल कलेज येँया तसकं चले जूगु अस्पताल मध्ये छगू खः । तर लिपांगु इलय् कोरोनाया कारणं कारोवार सुस्त जुयाः अस्पताल घाटाय् वनेगु शुरु जूगु खः । थुकिं यानाः अप्वः शेयर कयातःपिं प्यम्ह बोर्ड दुजःतय्सं थःपिनि शेयर मीत्यंगु खँ धाःगु दु। शेयर मीत्यंगु बारे मेगु छुं कारण धाःगु मदुनि ।

कोरोनाया कारणं देशय् आर्थिक मन्दी वयाच्वंगु इलय् नं जूगु थ्व तःधंगु आर्थिक कारोवार खः ।

सम्बन्धित बुखँ

LEAVE YOUR COMMENTS