खाली सिलिन्डरया भाः क्वःछित

येँ (नेपालभाषा टाइम्स) – नेपाल एलपी ग्यास उद्योग संघं म्हीग निसें ग्यास सिडिन्डरया भाः क्वःछिउगु दु। संघं खाली सिलिन्डर छगःया भाः २१०० तका क्वःछिउगु खः । दूर्गम जिल्ला बाहेक मेथाय् खाली सिलिन्डरया भावय् एकरुपता हयेत थ्व भाः क्वःछिउगु खः । थ्वयां न्ह्यः न्हापांगु चरणय् बागमति प्रदेश दुने संचालनय् वयाच्वंगु २९ गू उद्योगतय्सं सिलिन्डरया भाःक्वःछिउगु खः । अथेहे संघं न्हूगु सिलिन्डर उपभोक्ता धरौटी रसिद मदुगु सिलिन्डरया दायित्व ग्यास उद्योगतय्सं मकायेगु खँ धाःगु दु। संघं न्हूगु सिलिन्डर न्यायेबलय् अनिवार्य रुपं सम्बन्धी उद्योगं बीगु रसिद विक्रेतामार्फत कायेत नं उपभोक्तातय्त इनाप याःगु दु ।